Elkarte eta sindikatuetako buruzagiei -tartean Nicolas Girod, Confédération Paysanne-ko bozeramaile nazionala joan den ekainera arte, eta Benoît Jaunet, Deux-Sèvres-tarren bozeramailea- bidegabeki egotzi diete errua, 2023an megakentralen aurka egindako mobilizazioen ostean. Bere delitu bakarra modu baketsuan mobilizatzea izan zen, uraren akaparamendu pribatua eragozteko.

Confédération Paysannek argitaratutako prentsa-oharra

Azaroaren 28an mega-baltsen aurkarien aurkako epaiketa berriro hasi zen, fiskalak amateurismoa erakutsi ondoren! Gaur arratsaldean, epaiketa ez zegoen «ez egina, ez egiteke». Niorteko auzitegia mega-baltsen aurkako mugimendua geldiarazteko asmoz baldarki politizatzen saiatzean, fiskaltzak amateurismo erakustaldi bat eman du gaur, eta, horren ondorioz, epaiketa azaroaren 28ra arte eten dute, azken orduan.

Dataz, akusatuz eta ezaugarritu gabeko egitatez betetako espediente ez oso digerigarri batekin, epaiketa ezin izan da behar bezala eta garaiz gauzatu.

Eztabaida neketsuen lehen uneen ondoren, beharrezkoa izango zen epaiketa goizaldeko ordu txikietara arte eramatea, lekukoei, fiskalaren eskaerei eta alde zibilaren eta defentsako abokatuen argudioei behar bezala entzuteko. Egoera hori ez zen errespetuzkoa izan ez batzuentzat ez besteentzat.

Epaiketaren lehen 7 orduen ondoren eta saioa bosgarren aldiz eten ondoren, auzitegiko presidenteak eztabaidak bertan behera utziko zituela iragarri zuen. Oso gertakari bitxi eta berezia. Horiek azaroaren 28an hasiko dira berriro, eta fiskalak ez du aurka egingo, entzunaldiaren geldialdia dela eta.

Eztabaida hauetan, akusatuek elkartasun ukaezina erakutsi dute. Defentsa kolektiboari eutsi diote, adierazpen politikoak egin dituzte eta konpromisoaren arrazoi sakonak azaldu ahal izan dituzte, euren aurkako akusazio faltsuak errefusatzen zituzten bitartean.

Era berean, goizetik gauera bitartean, 3.000 pertsona inguruk, 4 sindikatuk – Confédération paysanne, CGT, Solidaires eta FSU, mega-baltsen aurkako borrokan bildutako erakunde politiko, elkarte eta militanteekin batera –, 9 akusatuei babesa adierazi zieten, eta guztien onerako askatasunaren eta uraren aldeko konpromiso kolektiboa agertu zuten.

Azaroaren 28aren zain gauden bitartean, eta Priairesen obra bat hasi denez, borrokak aurrera jarraitzen du. Bihartik aurrera, BNMk ibilaldi hezitzaile eta naturalista batera gonbidatzen du, mega-baltsek Marais Poitevin inguruan, bizikletaz eta autoz, eragindako hondamenak egiaztatzeko.