Astebetean, korporazio kimiko-farmazeutikoak bi errebindikazio judizial izan zituen, glifosatoz egindako herbizidak bi erabiltzailerengan eragin zituen ondorio kaltegarriengatik. 2020an, enpresak 11 mila milioi ordaindu zituen judizioz kanpoko konponketetan, eta 100 mila epaiketa baino gehiago geldiaraztea lortu zuen.

Astebetean, Bayer-Monsanto enpresak milioi askoko bi epaiketa berri galdu zituen Estatu Batuetan, Roundup herbizidaren erabilerak bi auzi-jartzaileengan eragin zituen ondorio kantzerigenoengatik, glifosatoz eta produktuaren arriskugarritasuna ezkutatzeagatik, bere salmentak babesteko.

Epaietako bat joan den urriaren 20an eman zuen St. Louis (Missouri) eta bestea astebete geroago Filadelfiako (Pennsylvania) epaimahai batek. Bi kasuengatik korporazioak 176 milioi dolar baino gehiago ordaindu beharko ditu.

Roundup 1974an merkaturatu zuen Monsantok, eta 2000. urtera arte izan zuen patentea, produktua beste fabrikatzaile batzuek saltzen hasi ziren arte. 2018an, Bayer enpresa kimiko-farmazeutikoak erosi zuen Monsanto, eta, urte horretan bertan, enpresa kondenatuta geratu zen epaiketa historiko batean (Dewayne Johnson kasua), agrotoxikoaren efektu kantzerigenoak ezagutzen zituela ez ezik, modu maltzurrean ezkutatu ere egin baitzuen.

Hurrengo urtean beste bi porrot judizial izan zituen milioi askoko kopuruengatik. Edwin Hardemanek, 1980 eta 2012 artean herbizida erabili zuen San Frantziskoko baserritar batek, Linfoma de Hodgin (minbizia sistema linfatikoan) hartu zuen. 2016an enpresa auzitara eraman zuen produktuaren etiketan Roundup erabiltzearen arriskuez ez ohartarazteagatik, eta 2019an 25 milioi dolarreko konpentsazio ekonomikoa irabazi zuen.

Urte berean, Alva eta Alberta Pilliod senar-emazteek beste eskari bat irabazi zuten gaixotasun onkologiko bera hartzeagatik, eta 86 milioi dolarretik gorako konpentsazioa lortu zuten.

Produktua merkatutik atera beharrean, hiru porrot jarraian eta 100.000 eskari berri baino gehiagorekin, 2020an enpresaren estrategia salatzaile bakoitzarekin judizioz kanpoko akordio bat lortzea izan zen, 11.000 milioi dolarren truke. Roundumeko ondorio kantzerigenoak inoiz ezagutu ez bazituen ere, mila milioi baino gehiago gorde zituen minbizia hartu zuten produktuaren erabiltzaileen etorkizuneko eskaerei erantzuteko.

[Informazio osoa elciudadanoweb webgunean]