Palestinako borrokak borroka guztiak biltzen ditu bere baitan: bizitzaren aldekoak; klaseen aldekoak; etnikoak; generokoak; nazionalak; nazioartekoak; gizadiaren aldekoak...

Nazio bihurtu ez zen baina lurralde haietan errotuta zegoen herri arabiar batek beste herri batek, itsasoz haraindiko israeldarrak, bere eskubideak eta jabetzak nola kentzen zizkion ikusi zuenean hasi zen. Herri hori ere ez zen lehenago nazio bihurtu, baina laster lortu zuen horretarako borondate sutsua.

Hasiera hartatik, Nakba delakoak, gaur arte, mota guztietako abusu eta umiliazioak jasan ditu Palestinako herriak, eta behin eta berriz garaitua izan da, okupatua, bere lurraz desjabetua, deportatua edo indarkeria kolonialaren mende, mendebaldeko zein gainerako herrialde arabiarren axolagabekeriaren aurrean babesgabea, edo are okerragoa, hauen konplizitatearekin.

Israelek Palestinaren aurkako kolonialismo- eta desjabetasun-ekintza argia egin du, eta horrek, aldi berean, estatu gisa dituen eskubideak aldarrikatzen dituen eta galdu zuena berreskuratzeko borrokatzen duen kontzientzia nazional palestinarra pizten lagundu du.

Israel Gazan egiten ari den genozidioa baino lehen idatzitako testu honetan, Martin A. Martinellik prozesu historiko osoa aztertzen du hasiera-hasieratik, eta haren oinarrizko ezaugarriak deskribatzen ditu, komunikabide handietan alde batera utzi ohi diren alderdiak azpimarratuz, hala nola israeldarren domeinuaren izaera koloniala eta okupatutako lurraldeetan palestinar herriak jasaten duen apartheid erregimena, alde batera utzi gabe askapen-borrokekin eta horiek eragiten duten errepresioarekin batera beti gertatzen diren indarkeria-eztandak.