Etxalderen dokumentua: “MMA ez da Elikadura burujabetzarekin loteslea”
FAO, FIDA, UNICEF, PMA eta OMS erakundeek elikadura segurtasun eta munduko nutrizio egoraren inguruan argitaratu eta egindako azken ikerketaren aurrean azpimarra eta gogorarazi beharrean gaude egoera honetatik ateratzeko irtenbide bakarra Elikadura Burujabetza dela.
"Munduko Merkataritza Antolakundea (MMA) eta elikadura burujabetza bi kontzeptu antagoniko dira. Lehenengoak, pausuz pausu mundu mailako merkatu libre bat eraikitzea du helburu, baita nekazaritzan ere, honela munduko parte batetik bestera eta inolako aurkakotasun gabe ekoizpenak eraman ahal izateko, betiere kostu ekonomiko baxuena suposatzen duen tokietan ezarriz.
Ondorioz, munduko toki bakoitza ekoizpen konkretu batean bereizten da kostuen murriztapenean oinarrituz. Lehiakortasun honetan, begirada sozial, lokal, ekonomiko eta ingurugiroarenak ez dauka balorerik.
Gatazka honetan aurkitzen dira alde batetik makineria handietaz baliatuz 1500 tonelada zereal ekoizten duen Europa eta Ipar Amerikako ekoizlea eta 2 tonelada ekoizten dituen Afrikar ekoizlea. Gatazka berdin honetan aurkitzen dira ere herrialde aberatsetako nekazaritza, zeintzuk laguntza ikaragarriak dituzten, eta herrialde txiroetakoak, zeintzuek ez daukaten inolako laguntzarik. Gatazka berberean ere aurkitzen dira 28 miloi baserritar, beraien lurrak traktorez lantzen dituztenak eta 250 miloi baserritar animalien bidez lantzen dutenak eta ia 3 mila miloi ekoizlek eskuz lantzen dutenak inolako laguntza mekaniko ez animali gabe. Gatazka horretan aurkitzen dira ekoizleen %80a zeintzuk NPB laguntzen %20 jasotzen duten, eta ekoizleen %20, laguntzen %80a jasoz (Hego Euskal Herrian %10ak laguntzen %60a jasotzen du).
Behi esnearen produkzio esanguratsuaren baitan ere bada 250.000 litro esne ekoizten dituena urtean eta miloi bat litro ekoizten dituena.
MMAk inolako zalantza gabe, ekoizpen industrial eta intentsibo baten aldeko apustua egiten du, esportaziora zuzendutako sektorean espezializatuz. Baina, azpimarra beharra dugu, merkatu lokaletarako ekoizten duten baserritarrek biztanleriaren %70a elikatzen dutela, eta elikagai horiek mahaira eramateko erabiltzen diren baliabideen (ura, lurra, erregaia…) %25a soilik erabilita.
Nekazal ekoizpena ezin da munduko merkatuko gorabehera eta menpekotasunari lotuta egon. Merkatua da nekazal ekoizpenaren logika errespetatu behar duena. Nekazaritza elikadura da, eta elikadura bai hemen eta bai munduko edozein txokotan, eskubide ukaezina".
(Etxalde Nekazaritza Iraunkorrak aurkeztutako dokumentutik aterata)
Deskargatu Organización de las Naciones Unidas para la Alimentación y la Agriculturaren txostena.
Etxaldek Maravillas gaztetxeari buruz
“Aldaketaren Gobernua” izena erabiltzeko jarrera aldaketa bat egotea beharrezkoa da. Azken astean Geroa Bai koalizioak elkarrizketarako borondatea duela hainbat alditan adierazi du, baina hitzetatik ekintzetara dagoen aldea berriz ere agerian geratu da gaur Iruñean.
Etxalde Nekazaritza Iraunkorra mugimenduak desalojo honen aurrean gure haserrea eta ezadostasuna adierazi nahi dugu. Indar polizialaren eskutik, bortizki eta iluntasunaren babesean sartu dira herri mugimenduak babestutako Maravillas gaztetxea desalojatzera. Honelako ekintzek Nafar Gobernuaren “elkarrizketa borondatea” agerian uzten dute. Hau ez da elkarrizketaren bidea, hau ez da aldaketaren gobernua!
Gure babesa eta elkartasuna Maravillas Gaztetxeari, zaurituei, identifikatuei eta herri mugimenduan eta benetako aldaketaren alde lanean dihardutenei!
Co-branding modelotik eratorritako arazoak
Lehiaren Euskal Agintaritzan Bihoel elkarteak jarritako salaketa Hazi Fundazioak eta Eroskik duten Eusko Label Kaliatatea marka publikoa eta Eroskiren E-Natur marka pribatua elkartzeko akordioa dela eta sortutako arazoak, eta honelako co-branding itunek sor dezaketen problematika Etxalde Nekazaritza Iraunkorreko dokumentu eta hausnarketan isladatzen da.
Etxalde mugimenduak urte honetako martxoan plazaratu zuen hausnarketa eta proposamen dokumentuan, Elikagaien Kalitate Politiken inguruko hausnarketa eta proposamenak biltzen zituen ere, honen baitan co-branding ereduak sor ditzazkeen arazoak baita. Salmenta eremu handiekin sinatzen ari diren akordio hauen harira, Etxaldek bertako ekoizpenaren izen ona salmenta bolumen teorikoengatik saltzen ari dela uste du, honela, kontsumitzaileen nahasmena handituz.
“Eta ezadostasunen artean jar dezakegu co-branding itunak salmenta espazio handiekin, zeintzuetan produktu lokalaren ospea oparitzen den komertzializazio kopuru teorikoen ordainetan, kontsumitzailearen nahastea handituz. Momentuz esan genezake publizitate edo propaganda efektuak sortzen ditugun elikagaien balorearen gainetik daudela. Eta honek gure ekoizpenak identifikatzean ditugun erronketan gidatu behar gaitu. Modu zuzenean merkaturatzen den elikagai lokalaren gehienak ez du identifikaziorik, eta ez da jasangarria bakoitzak bere marka izatea. Ipar Euskal Herriko IDOKIren kasua adierazgarri izan beharko litzateke identifikazioa orokor baterako (Euskal baserri berreskuratu), ekoizpen jasangarri eta lokal bat nabarmentzeko kontsumitzailearekiko.”
Dokumentua osorik irakurtzeko: hemen
