Komunikatua

1. Egoera onartezina da.

Genozidioaren gogorrena eta inpunitatearen adierazpen gorena ikusten ari gara.

• • Gernika Palestina Herri Ekimenak eta Nafarroako Yala Plataformak mobilizatzeko deia egiten dugu ekainaren 8an, 17:30ean, Bilbon Udaletxetik Guggenheimeraino eta Iruñean, Golem zinemetatik Antoniuttiraino, Europar Batasuneko hauteskunde bezperako egunean. Aukera bat da geure indarrak biderkatzeko.
  • Gure herrian azken hilabete hauetan Palestinaren genozidioaren aurrean erakutsi den bateratasunaren eta elkarlanaren argazkia izatea nahi dugu eta, aldi berean, baita palestinarrei laguntza humanitarioa helarazten jarraitzeko borondatea azaltzea ere.
  • Hemen biltzen garenok, ideologia eta lan esparru ezberdinetakoak gara eta lehenetsi dugu, tartea hartu dugu, gure egunerokoaz gain guztion interpelatzen gaituen gatazka honi erantzutea. Gatazka honen aurrean posizioa ez hartzea posizioa hartzea baita.
  • Beraz, deialdia egin nahi diegu eragile sozialei ekainaren 8ko ekimenekin bat egiteko eta eskertu gaur gurekin daudenei

2. Zergatik ekainaren 8an?

• • Europar Hauteskundeen bezperako eguna aukeratu dugu Europa konplizea izan ez dadin ozen oihukatu nahi dugulako. Euskal Herriko jendarteak herrien arteko konplizitatea hobesten du eta argiki eskatzen dio Europari eta bere agintariei:
  • Israel behartu dezan genozidioa amaitzen eta NBEren ebazpenak zorrotz betetzen. Har ditzala bere esku dauden neurri ekonomiko zein komertzialak Israelek hau egin dezan.
  • Ildo honetan, eta Israel Genozidioarekin bukatzen ez deino, EBri eskatzen diogu Israelekin duen merkataritza hitzarmen elkartea etetea. Gogoratu nahi dugu hitzarmen honen 2. artikuluak giza eskubideak eta printzipio demokratikoak errespetatzearekin konprometitzen ditu sinatzaileak, eta Itunei buruzko Vienako Konbentzioaren 60. artikuluak itunok aldi baterako edo behin betiko haustea ahalbidetzen du, hitzartutakoa betetzen ez bada. Israelgo estatuaren kasuan nabarmena dena.

3. Zein da gure gogoeta?

• • Europar Hauteskundeen bezperako hausnarketa egun honetan bakea eta nazioarteko zuzenbidearen beharra gu guztion hausnarketaren erdian kokatu nahi ditugu.
  • Biak ezinbesteko gakoak dira Palestinan eta mundu osoan.
  • Bakea eta nazioarteko zuzenbide eraginkorra behar dugu:
    • Su etena, desmilitarizazioa eta negoziazioa bermatu daitezen.
    • Ez-injerentzia eta autodeterminazio eskubidearen errespetua bermatu daitezen, Palestinako lurralde eta pertsonei lanabes materialak eta politikoak eman diezazkiegun libre bizitzeko.
    • Israelgo inpunitatearekin bukatzeko. Zentzu horretan begi onez baloratzen dugu Nazioarteko Zigor Auzitegiko fiskalak egindako eskaera Netanyahu eta Gallant atxilotzeko, fiskalak egindako eskaera behin- behinekoa izan arren. Aipatu behar dugu ere oso esanguratsua dela Estatu Espainiarrak, Norvegiak eta Irlandak hartu duten konpromisoa Palestinako Estatua modu ofizialean aitortzeko.

Azken horiek bat egiten dute mundu mailan Palestinako Estatua aintzatesten duten gainontzeko 140 estatuekin. Netanyahuk ordezkatzen duen inpunitatearen aurrean, estatu gehiagoren aldetik presio politikoa egitea aurrerapauso garrantzitsua izango da nazioarteko gorteko instantziek Israelgo estatuak garatzen duen garbiketa etnikoa juridikoki geldiaraztea lortzeko. Beraz, euskal jendartea eta oro har Europako jendartea Genozidioarekin bukatzeko mobilizatzera deitzeaz gain gogoetatzera deitzen dugu ere.

Inoiz ez gehiago Gernika bat, inoiz ez gehiago Palestina moduko genozidio bat. Inon ez gehiago Gernika bat eta Palestina moduko genozidio bat.