Laura Lorenzo (Foro Rural Mundial): “Familia nekazaritzaren euskal eredua jasangarriena da”
Foro Rural Mundial-eko zuzendari Laura Lorenzo arabarra Dubaiko Klimaren Munduko Gailurrean parte hartzen ari da egunotan. Bertan familia-nekazaritzaren eredua defendatu du, Euskadin egiten den eredua, elikagaiak ekoizteaz gain, elikagaien segurtasuna bermatzen duelako, landa-sarea bizirik mantentzen duelako eta klima-aldaketa arintzen laguntzen duelako.
SER kateko Hora 14 Euskadin egindako elkarrizketa batean azaldu duenez, berotze globalak eragiten dio eredu horri; izan ere, zenbait laboreren ereitea aurreratu behar izan dute, eta, horren ondorioz, iaz bazka-eskasia izan zen abereentzat. Horregatik, laguntza gehiago eskatu ditu familia nekazaritzarako, munduko herrialde askotan egiten dena, atmosferara isurtzen diren berotegi-efektuko gas garbiak murrizten laguntzen duen eredu iraunkorra delako.
Laura Lorenzok positibotzat jo du COP28ak lehen aldiz nekazaritza sartu izana bere eztabaidetan, eta akordio bat lortu izana nekazaritza horri eta 150 herrialdek sinatu dituzten munduko elikadura-sistemei buruz, nahiz eta "orain beharrezkoa den adierazpenetatik ekintzara pasatzea".
